O Club
Costado Taekwondo Boiro visita o
CEIP Praia Xardin
Durante os días 3 e 4 febreiro, o noso club tivo o privilexio de achegar o taekwondo aos alumnos e alumnas do CEIP Praia Xardin, no Concello de Boiro.
Nesta actividade, enmarcada no programa “Coñece o teu club” de XOGADE, máis de 200 nenos e nenas de Infantil e Primaria puideron descubrir de primeira man a nosa disciplina. A través dunha combinación de explicacións teóricas e demostracións prácticas adaptadas
ás súas idades, os pequenos experimentaron os movementos básicos do taekwondo e coñeceron os valores que representa: o respecto, a disciplina, o esforzo e o compañeirismo.
Queremos agradecer ao CEIP Praia Xardin pola súa hospitalidade e á Secretaría Xeral para o Deporte por apoiar iniciativas coma esta, que permiten fomentar o deporte base e transmitir hábitos de vida saudables desde as primeiras etapas da vida.
Dende o Club Costado Taekwondo Boiro, seguiremos traballando para achegar o noso deporte aos máis pequenos e promover os valores que forman parte da nosa esencia como club.